ESCENARIOS II (2017ko KLIMATEK deialdia) eta URBAN KLIMA 2050 (LIFE 18 IPC/ES/000001 LIFE-IP URBAN KLIMA 2050) proiektuen baitan lortutako klima-adierazleetako batzuk dira, iraganekoak eta etorkizunekoak. Hurrengo adierazleak, hain zuzen ere: tenperatura maximoaren batez bestekoa (TX), tenperatura minimoaren batez bestekoa (TN), batez besteko tenperatura (TG), urteko batez besteko prezipitazioa (PRCPTOT), egun umelen kopurua (RR1), erreferentziazko ebapotranspirazioa (ET0), ondoz ondoko egun lehorren kopuruaren maximoa (CDD), 5 egunetan pilatutako prezipitazioen maximoa (Rx5day), bero-boladen batez besteko iraupena (HWF), 10 urteko eta 50 urteko errepikatze-denborari dagozkien batez besteko prezipitazio maximoak (RV10year, RV50year), egun umeletako batez besteko prezipitazioa (SDII) eta egun beroen kopurua (TX90P). Bereizmen espazial handiko adierazleak dira (1km*1km gutxi gorabehera) eta lau aldiri dagozkie: aldietako bat iraganekoa da (1971-2000) eta estazio meteorologikoen serie luzeetatik abiatuta lortu da; eta gainontzeko hiru aldiak, etorkizunekoak (2011-2040; 2041-2070; 2071-2100), Euro-CORDEX ekimineko simulazioen datuetan oinarrituta daude.Bai RCP8.5 (ESCENARIOS II), bai RCP4.5 (URBAN KLIMA 2050) agertokietako adierazleak, Euro-CORDEX simulazioei alborapen zuzenketak egin ostean lortutakoak dira ("EQM-Empirical Quantile Mapping" zuzenketa) (Wilke et al., 2013; Gutiérrez et al., 2017). Hortaz, modeloen doitzea hobetzea lortu da eta, espazio-bereizmen handiaz gain, denbora-bereizmen handia ere erdietsi da.
