Salgaien garraioari buruzko inkesta. Euskal Autonomia Erkidegoa

Salgaien Garraioari buruzko Inkesta lagin-ikerketa jarraitua da, eta horren helburu nagusia da ibilgailu astunen errepideko garraio-eragiketak ikertzea eta gainerako garraiobideen zentsu-ikerketa egitea; horrekin, sektorearen jarduera-maila neurtu nahi da. Hemen aurkezten diren emaitzak Mugikortasun Jasangarriaren Saileko Estatistika Organoak Euskal Autonomia Erkidegorako egindako datu-ustiapen espezifiko bati dagozkio. Ustiapen hori egiteko, Garraio eta Mugikortasun Jasangarriko Ministerioak mikrodatuen fitxategia laga du, salgaien errepideko, itsasoko eta aireko garraioari eta trenbideko garraio-operadoreei buruzko informazioa emateko.