Baso-igel iberiarra (Rana iberica) Iberiar penintsulako anfibio endemiko bat da. Egoera onean dauden landaredi-erriberak behar dira, eta estaldura-aniztasuna dute. Tarte irekiak dituzte, intsolazio-maila handiagoa dutenak, erreketan nagusi diren giro laiotzen aurrean. Hala ere, EAEn banaketa sakabanatua eta oso puntuala du, oraindik nahiko osatu gabea. Azken hamarkadan, eDNA (ingurumeneko DNA) detektatzeko teknikek aurrerapauso handia egin dute, eta espezie kriptiko edo ale murritzdunen detekziorako tresna berritzaile bihurtu litezke. Gauzak horrela, proiektu honen helburuak Rana iberica eDNA bidez detektatzeko teknika prestatu, honen bidez Lea eta Artibai ibai-arroetan espeziea detektatu, eta horrela espeziearen distribuzioaren eguneratze bat egitea izan dira. Horrela, populazio bat hauteman da Lea ibaiaren goialdean, eta bi gehiago beste hainbat ibaiadarretan; baita bat gehiago ere Arbina ibaian. Bitartean, Artibai ibaian Amailoa ibaiaren arroan aurkitu da, baita Deba bailararekin muga egiten duen beste arro txiki batean ere. Diruz lagundutako proiektua: 2023 Natura-ondarea babesteari buruzko ezagutza sortzeko proiektuak egiten dituzten elkarte, erakunde pribatu, boluntariotza-erakunde eta fundazioentzako dirulaguntzak - Ingurumena - Euskadi.eus
