Kausa guztiengatiko hilkortasuna gizonezkoetan Euskadin (1996-2003)

Euskal Autonomia Erkidegoan 77.949 gizon hil zen, guztira, 1996-2003 aldian. Gizonezkoen hilkortasunak beheranzko eboluzioa izan du, 1990-2004 denboraldirako %2,1eko batez besteko urteko jaitsiera izan baitu. Bizi-itxaropena jaiotzean 1990ean 73,1ekoa zen, eta 2005ean 77,0 urtekoa. EAEn, oso markatuak dira zentsu-sekzioetan dauden ezberdintasunak hilkortasunean, EAE osokoa baino hilkortasun handiagoa edo txikiagoa duten zentsu-sekzioen kopurua garrantzitsua baita. Hilkortasun-gehiegikeria hautemangarrienak hiru hiriburuetan, Bizkaia eta Gipuzkoako sekzioetan gertatu ziren; baina Arabako zatirik handienean hilkortasuna EAE osoko hilkortasuna baino baxuagoa izan zen.