Euskal AEko biztanleriaren eta familien gaineko ezagutzak eta kuantifikazioak zenbait estatistika-iturri behar dituzte. Alde batetik, biztanleria eta familia kopurua hamar urtean behin kalkulatu dira, eta Biztanleriaren eta Etxebizitzen Zentsua erabili da horretarako. Horrez gain, zentsuen arteko aldian Biztanleriaren eta Etxebizitzen Estatistika (BEE) erabili da. Bestetik, udaleko informazio demografikoa Udal Biztanleriaren Eguneratzeari esker (UBE) gaurkotzen da, Biztanleen Udal Erroldako administrazio-erregistroak iturri nagusitzat hartuz.
