Rexistro de Escolas de Tempo Libre

As Escolas de Tempo Libre son centros de formación para cualificar e titular a monitores, animadores e educadores en xeral para a organización e execución de actividades relacionadas co lecer e tempo libre como campamentos, colonias, campos de traballo, actividades de asociacións e grupos xuvenís, centros de lecer, etc. No arquivo .csv figuran os datos de contacto das escolas que conforman o rexistro actual da Xunta de Galicia. Para iniciar a prestación do servizo de formación estas entidades deben emitir unha declaración responsable de inicio de actividade. Ao facelo, quedan inscritas no Rexistro de escolas de tempo libre da Comunidade autónoma de Galicia.